Nú er úti norðanvindur

Nú er úti norðanvindur,
nú er hvítur Esjutindur,
ef ég ætti útikindur,
mundi ég setja þær allar inn,
elsku besti vinur minn.
:,: Úmbarassa, úmbarassa
úmbrassasa :,:

Upp er runninn öskudagur,
ákaflega skýr og fagur,
einn með poka ekki ragur,
úti vappa heims um ból,
góðan daginn og gleðileg jól
:,: Úmbarassa, ……

Elsku besti stálargrér,
heyrir þú hvað ég segi þér,
þú hefur étið úldið smér,
og dálítið af snæri,
elsku vinurinn kæri.
:,: Úmbarassa, ……

Þarna sé ég fé á beit,
ei er því að leyna.
Nú er ég komin upp í sveit
á rútunni hans Steina,
þú veist hvað ég meina.
:,: Úmbarassa, ….
(Höfundur ókunnur)

Komdu til mín vinur

Komdu til mín, komdu til mín, komu til mín vinur.

Farðu frá mér, farðu frá mér, farðu frá mér vinur.

:,:Og klappa með hægri og klappa með vinstri

og klappa með báðum og snúa í hring.:,:

(Ókunnur höfundur)

Keli káti karl

Ég heiti Keli káti karl

og kraftajötunn er.

Og þegar ég fer út,út,

hrökkva´allir í kút, kút.

Ég heiti Keli káti karl.

Tra-la la la la la la la.

(Ókunnur höfundur)

Norðanvindur

Dansi, dansi dúkkan mín.

Dæmalaust er stúlkan fín.

Voða fallegt hrokkið hár,

Hettan rauð og kjóllinn blár.

Svo er hún með silkiskó,

sokka hvíta eins og snjó.

Heldurðu´ekki´að hún sé fín?

Dansi, dansi dúkkan mín.

(H.C. Andersen/Gunnar Egilsson þýddi)

Krummavísur

Krummi svaf í kletta gjá,

kaldri vetrar nóttu á

:,:verður margt að meini:,:

fyrr en dagur fagur rann

freðið nefið dregur hann

:,:undan stórum steini:,:


Allt er frosið úti gor,

ekkert fæst við ströndu mor

:,:svengd er metti mína,:,:

ef að húsum heim ég fer

heimafrakkur bannar mér

:,:seppi úr sorpi að tína:,:


Öll er þakin ísi jörð,

ekki sér á holtabörð

:,:fleygir fuglar geta,:,:

enn þó leiti út um mó, auða hvergi lítur tó;

:,:hvað á hrafn að eta?:,:


Á sér krummi ýfði stél,

einnig brýndi gogginn vel,

:,:flaug úr fjallagjótum.:,:

Lítur yfir byggð og bú,

á bæjum fyrr en vakna hjú;

:,:veifar vængjum skjótum.:,:


Sálaður á síðu lá

sauður feitur garði hjá,

:,:fyrrum frár á velli.:,:

„Krunk, krunk! nafnar, komið hér,

krunk, krunk! því oss búin er

:,:Krás á köldu svelli.”:,:

Jón Thoroddsen/Íslenskt þjóðlag