Já krakkarnir bjuggu til nýtt orð í vikunni. RUSLALEIKLIST!!!!

Það er alveg hreint ótrúlegt hvað verðlaust efni getur gefið mikið af sér í leik barna eins og þessi dagblöð gerðu í vikunni. Hér fengum við svo sannarlega útrás með því að rífa, tæta, henda, stappa á og skemma blöðin, en allt í þeim merka tilgangi að útbúa eitthvað annað og hafa gaman.

Í leiklist síðustu vikna hafa börnin tekist á við ýmislegt. Helst ber að nefna að við höfum verið að vinna með látbragð, spegilmyndir og brúðuleikhús. Síðan vorum við með smá partý.

Látbragðsleikur er ein besta leiðin fyrir börn að læra að tjá sig með líkama og andliti og skemmtum við okkur vel við að herma eftir ýmsum persónum og dýrum. Börnin fengu örkynningu á gömlum bíómyndum með leikara að nafni Charlie Chaplin sem hafði enga rödd til að tjá sig til að sjá hvernig líkaminn getur tjáð tilfinningar og langanir. 

Vikunni eftir það var komið að því að hafa annað brúðuleikhús. Handbrúður, fingrabrúður og önnur leikföng eru góð verkfæri fyrir börn að æfa sig í tali og tjáningu með tali. Það reynist oft auðveldara fyrir börnin að tala fyrir hönd annarra en sig sjálf og með því að gera brúðuleikhús oftar og hafa hlutverkaleiki með 3. persónu geta börnin átt auðveldara með að tileinka sér þetta sjálf og nýtt sér á öðrum sviðum.

Finna má myndir úr leiklistarstundum inn á myndasvæðinu

Föstudaginn 30. október verður búningadagur á öllum deildum!

Þá mega allir koma í búningum en ef einhverjum vantar þá er nóg til í leiklistarskápnum til að lána.

Hlökkum til að gleðjast saman í búningagleði!

Meðfram ástandinu sem er í heiminum núna hefur mikil umræða um læknastéttina, hjúkrunafræðinga og sjúkrahús átt sér stað. Í Laufskálum er engin undantekning þar sem börnin ræða sín á milli og við kennara að læknarnir séu að lækna fólk með kórónuveiruna ásamt því að laga öll önnur veikindi, sár og verki. Það var því tilvalið að fá bangsann Parker í heimsókn og læra aðeins um það sem læknar gera.

Parker er tengjanlegur við smáforrit sem lætur vita hvað hrjáir hann hverju sinni. Síðan skiptumst við á að finna út hvað við getum gert til að lækna hann.

Læknisleikur er einn besti hlutverkaleikurinn til að fá börn til að hugsa í rökum, sýna samúð og samkennd. Krakkarnir stóðu sig svo vel að það verður erfitt að skipuleggja eins áhugaverða leiklistastund og þessa. Meðfylgjandi er skráning þessara stunda en einnig eru fleiri myndir komnar inn á myndasafnið.

Merking leiklistar er listin að leika. Þessi list byggir svo á sköpun og ímyndunarafli hvers og eins sem þau færa í leikinn en fyrir unga grallara þarf að hafa þetta sýnilegt og eftirminnilegt. Hvað er meira meira sýnilegra en andlitsmálning? Þetta er svo að sjálfsögðu eftirminnilegt þar sem börnin máluðu sig sjálf og sögðu svo frá því hvað þau máluðu á sig.